مبدئيا اعذروني لو المقال مش قد كدة من حيث التنسيق او التنظيم والترتيب عشان بكتب من موبايل ودي تجربة مش لطيفة خالص 😂✋ ومقداميش خيارات كتير ، ما علينا ، توكلنا على الله ...
كتير جدا من المدونات والمواقع المشهورة وغير مشهورة ، بيجلهم وقت فيه جفاف ابداعي ، ودة وارد يحصل عادي ، انت مش مخك دة يعتبر راس مالك نوعا ما ، فبيجي عليه وقت بيتعب من كتر الشغل او ممكن مينتجش كويس ، عادي مش عيب يعني ، ممكن ياما تاخد راحة شوية وتسترخي ، او انك تفكر في حاجات جديدة وتبص من وجهة نظر مختلفة ، بس فيه ناس بتسترخص ، يلاقي نفسه مفيش احداث جديدة او احداث متكررة ومملة او مفيش افكار كويسة ، يقوم يعمل اييه ؟ ، بالظبط كدة ، يكتب اي حااجة تخص الجنس ، اي بلح هيمشي مع الناس عادي ، واللي يغيظ انه بيعمل كدة عشان يجيب ترافيك وبيجيب 😂 ، انا دة بعتبره نوعا ما بجد يعني اهانة للقارئ واهانة للي كاتب الموضوع كمان ، انت بتنزل لمستوى متدني "فشخ" من الفكر وبتستخدم اساليب مش لطيفة ف شغلك ، انا مش بقلل من قيمة "موضوع الجنس" نفسه ، ابدا ، الموضوع حساس فعلا لدرجة ان مش بيبقى من السهل على اي حد يتكلم فيه عادي كدة باريحية ، فبيلجأ للانترنت عشان يلاقي حلول فعلا واجابات لاسئلته ومشاكله ..
وعشان مظلمش حد مش كل الناس بتعمل كدة ، فيه فعلا بيعملوا محتوى جنسي "هادف" بجد غرضه الاول والاخير افادة الجنسين ومش هامه لا ترافيك ولا زوار كتير هو فعلا عاوز يفيد الناس ودة طبعا قلييييل اووووي
وفيه بقى اللي زي ما قولت ف الاول عاوز يلم زيارات ، فيعمل عناوين جنسية تشده ، محتوى اي كلام مفهوش كلمتين مفيدين بس المهم انك دخلت
وفيه الاخبار الجنسية اللي بقت اكتر من الاخبار الكروية والسياسية مجتمعين مع بعض ، واللي الله اعلم اصلا بتبقى صح فعلا ولا عاوزين "يجروا رجل الزبون"
الكلام عن الموضوع دة يطول جدا بجد ، وانا مش عاوز اطول عليكم وازهقكم ، بس اللي عاوز اقوله واوصلهولكم هو انكوا متخلوش حد يضحك عليكوا
لو شوفت اي حاجة من الحاجات الجنسية الهبلة دي متخشش ، هو غرضه الاول والاخير انك تدخل ، ولو دخلت ، يبقى انت خسرت يا معلم ، وبتشجعه انه يعمل من دة كتير ، تجاهلوا المحتوى التافه دة واللي بيضيع وقتكم الغالي اللي اولى تستثمروه ف حاجة افيد ، عشان لما اللي بيكتبوه ميلاقوش اقبال عليه هيبطلوا يكتبوه ...
وشكرا ✋
