الواحد مننا ساعات كتير بيبقى قاعد ربنا عاطيه صحة ووقت ومش لاقي حاجة يعملها وقاعد زهقان ومخنوق يقلب ف التليفون شوية يقلب فالتليفزيون كدة , لذلك جبنالكوا كام حاجة تقدروا تعملوها بعيد عن الملل والروتين شوية :D
الحاجة الاولى
انت ممكن تبعت جواب كبيييييييير فيه كلام حلو كدة لصحابك اللي بعاد عنك او عرفتهم من ع النت فضفض فيه بقى عاتبه على انه مبيسألش اسأل عليه احكيله عن احداثك شغلك دراستك كدة :D
الحاجة التانية
حل بازل , :D البازل قد ما هو رخم وصعب ومعقد لبعض الناس الا انه ممتع بيشغل الدماغ وبيضيع الوقت وكمان مفيد للناس اللي بتحب التحدي اللي هي تتعصب وتقول مش هقوم الا اما احله xD
الحاجة التالتة
ازرع :D شعور لما يكون عندك حاجة المفروض تهتم بيها كل يوم تسقيها وتحطها ف الشمس وتهتم بيها حاجة غير ي جدع xD غير ان انت ممكن تزرع حاجة تاكلها :D كل اللي عليك تجيب اي جردل او برطمان او اي وعاء فاضي مبتعملوش بيه حاجة ممكن حتى ازازة بلاستيك بس تقسمها نصين تجيب تربة صالحة للزراعة من اي حتة وازرع بقى اي حاجة جزر طماطم بتشنجان D=
الحاجة الرابعة
لون مفاتيحك xD بوص هو الموضوع ممكن يكون غريب شوية بس والله شكله هيبقى شكله كيوت بغض النظر عن انك هتلونه بالمونوكير بس متخافش دة ميقللش ان انت راجل D= وبعدين دة من الزهق ما هو انت لو مكنتش زهقان لا كنت جيت هنا ولا قريت الموضوع دة D=
الحاجة الخامسة
رتب كتبك , دة لو عندك مكتبة اصلا او كتب ومثقف وبتقرا وكدة , رتب الكتب , ترتيب ابجدي بقى على حسب محتوى الموضوع : تاريخ علوم شعر روايات كدة
الحاجة السادسة
اتعلم اوريجامي D": فن الاوريجامي اكيد قريت عنه او سمعت عنه او عدى عليك فن ياباني جميل بيقوم على تشكيل اشكال من الورق
الحاجة السابعة
فن الظلال , اتعلم ازاي تعمل أشكال بأيدك ف الظل D": اكيد ف مرة لما النور قطع عندكوا قعدت تعمل اشكال بايدك قدام الشمعة محدش فاهمها غيرك او من صنع مخيلتك D"=
الحاجة التامنة
اتمرن لمدة 7 دقائق بس التمرينات دي طبعا لو عاوز تزيد يبقى كرم من عندك D':
الحاجة التاسعة
حل كلمات متقاطعة او سودوكو xD بس كدة D"=
دي كانت تسع حاجات ممكن تعملها وانت زهقان ومش لاقي حاجة تعملها او ف وقت فراغك D": شكرا لوقتك ^^
هتفرحنا بتعليقك =')